Прес центар

ОММ: Секое дете има право слободно да го изрази своето мислење

Младинската организација на Обединети за Македонија апелира на почитување на правото на слободно изразување.

Без да навлегуваме во заднината и организаторите на протестите на средношколците, даваме до знаење дека секој мирен протест и револт е уставно и демократско право на секоја индивидуа или група за да го дигне гласот за она што таа мисли дека е исправно.

Според член 13 од детските права, секое дете има право на тоа да го изрази слободно неговото мислење и да добива и шири информации преку медиумите. Секое дете има исто така и должност да го изрази неговото мислење така што ќе ги почитува правата на другите луѓе.

Парадоксно е во образовниот систем да не учат дека треба да се бориме за нашите права, мисли и идеи, а од друга страна младите да добиваат закани затоа што сакаат да си го изразат своето мислење. Комунизмот и Југословенскиот режим падна одамна, време е да тргнеме по европските чекори.

Да не заборавиме дека ние младите први ги почнавме промените во оваа држава.

Утре оваа прекрасна татковина ќе остане на нас и ние треба да сме тие што ќе ја движиме напред.

Бошкоски до Мицкоски: Доколку сакате да се објасниме за инвестициите, вклучувајќи ги и тие во хидроцентралите ви стојам на располагање

Реакција на Љубе Бошкоски на изјавата на господинот Христијан Мицкоски на ден 15.12.2019:

Господине Христијан Мицкоски,

Со целосна почит кон Вас, но забележувам во последно време некако сте опседнати со мене, па се почесто го изговарате моето име, а притоа морам да констатирам дека не сте добро информирани и намерно или не, ширите дезинформации.

Јас, како основач на ВМРО-ДПМНЕ и човек кој е 30 години ВМРО, со цела почит кон Вас, ама не ве познавав до неодмана и прв пат ве видов на телевизија пред некое време.

Но, побитно е дека како човек кој замислува дека ќе стане некогаш премиер, треба да разликувате што е министер за странски инвестиции, а што е советник за странски инвестиции.

Јас не сум министер за странски инвестиции, туку сум советник на премиерот за странски инвестиции.

Господине Мицкоски, тоа значи дека јас советувам, немам обврска да носам странски инветиции.

Но и покрај тоа, инвестиции има да ги броите цел ден, дел донесени и од мене. Сите се дојдени поради добрата бизнис клима која се создаде после пеколот што го направи вашиот ментор во бегство.

Инвестиции има поради крајот на еден режим за кој вие по се изгледа уште не сте свесни со оглед дека кажувате за методи за влечење некого за ракави.

Со сета почит, господине Мицкоски, но мислам дека малку сте ја згрешиле стратегијата. Сега е дозволено и добро е да се критикува, но пред тоа треба да се извините и да се оградите од досегашното владеење на вашиот ментор.

Без тоа, господине Мицкоски, со сета почит и најдобронамерно сакам да ви кажам дека вашиот рок на траење ќе биде само уште неколку месеци.

Доколку сакате да се објасниме за инвестициите, вклучувајќи ги и тие во хидроцентралите ви стојам на располагање, на било која телевизија и во било кој термин.

Ако сте толку убедени дека сте лидер, прифатете ја поканата и очекувам многу брз одговор.

Со почит,
Љубе Бошкоски

ОМ со порака до ДУИ: Да се почитува Венецијанската комисија во врска со Законот за јазици

Обединети за Македонија реагира на изјавата на Бујар Османи во која „Секое отворање на Законот за јазици, со кој се затвориле прашањата од Рамковниот договор, ќе нè врати пред 2001 година“.

Враќањето во 2001 година е период каде ништо добро нема да и се случи на Македонија. Почитуван господине Османи, ние и вие добро знаеме што се случуваше тие години и колку невини луѓе загинаа. Во наш, заеднички интерес е да ја градиме македонската држава во проевропски дух, бидејќи сите сме деца на Македонија, без разлика на етничката позадина.

Доколку се навраќаме кон минатото, да ве потсетиме дека заеднички сме се бореле против окупаторите на ова парче земја, а кулминација е Охридско-дебарското востание.

Препорачуваме врз основа на заедништвото и на македонскиот дух кој е вроден во секој од нас, без разлика на етничката позадина да застанеме цврсто и проевропски да гледаме напред, а не да ги злоупотребуваме само мрачните делови од нашето минато за ситни политички поени, а да го извлечеме најдоброто од минатото, во сегашноста да извлечеме поука за да градиме европска иднина.

Обединети за Македонија е со став да се почитува Венецијанската комисија во врска со Законот за јазици, бидејќи таа е релевантна и доста почитувана институција од целиот свет, затоа што бараме мислење од европска институција и промовираме европски вредности, а тие европски вредности не смеат да ги кочат ситни политички поени.

Љубе Бошкоски: Ревизорот откри 400 000 евра непокриени во кампањата на ВМРО-ДПМНЕ

Државниот ревизор откри 400.000 евра непокриени во кампањата на ВМРО-ДПМНЕ за претседателските избори чиј кандидат беше Гордана Сиљановска Давкова, изјави денеска лидерот на Обединети за Македонија – Љубе Бошкоски.


Тој истакна дека очекува процесот „Тортура“ да заврши со осудителна пресуда.


„Денес, зад мене се актерите на „Тортура“, моите прогонители и сите тие луѓе кои во еден монтиран полициско-политички процес „Кампања“ за кои целата домашна и меѓународна јавност го осуди како монтиран политички процес, денес се води постапката за моето мачење, за ова што беше како последица на „Кампања“ – истакна Бошкоски.

„Но денес, сакам исто така да истакнам дека сме сведоци на еден парадокс. Пред некој ден, истиот државен ревизор кој во 2011 година оцени дека политичката партија Обединети за Македонија кампањата ја водела согласно законот за избори, истиот тој државен ревизор најде пред некој ден во кампањата за Претседателските избори во 2019 годината за Гордана Силјановска Давкова дека 400 000 евра се непокриени.


На тој начин е извршено кривично дело за кое се надевам дека против актерите, пред се, против потписникот на извештаите, на кампањата, господинот Јанушев и другите, во една транспарентна судска постапка ќе се докаже дека извршиле дело спротивно на изборниот законик.


Во мојот случај во 2011 година, ниту форезничарите од Гордана Јанкулоска која ја гледам зад мене, ниту докажаа, дека јас на ниту кој било начин сум имал допир со парите, ниту докажаа дека тие пари се употребени во „Кампања“ и ме апсат за монтирано дело по завршувањето на кампањата и ме осудуваат на 5 години затвор.


Очекувам дека органите на прогонот, но во една транспарентна судска постапка, ќе спроведат истрага и доколку ја докажат вината, виновниците ги изнесат пред судот за овие 400 000 евра кое е скандалозно и тешко кривично дело или ако се докаже нивната невиност, да не се постапува вака повеќе и да не се повторува историјата“ – изјави Бошкоски

Не одложување, а целосно укинување на прогресивното оданочување

Обединети за Македонија е за целосно укинување на прогресивното оданочување. Со рамниот данок сите се оданочуваат со иста стапка.

Освен како центар-десно партија, ова го посочуваме и со причина дека во иднина може да доведе до „brain drain“, односно поедници со повисок потенцијал на заработка може своите компании да ги пренасочат во друга земја.

Тоа би ја намалила конкурентноста и квалитетниот кадар, но и големината на платите на граѓаните. Освен тоа, прогресивниот данок ги одбива и потенцијалните инвеститори.

Секој инвеститор за да отвори работни места, му требаат добри услови за да може својата инвестиција да ја одржи во живот и да ја направи профитабилна, со што автоматски значи и проширување и повеќе работни места.

Идеалите на ВМРО се водилка кон европска Македонија! Честит празник!

Делегација на Обединети за Македонија по повод 23-ти Октомври, Ден на Македонската револуционерна борба положи цвеќе пред споменикот на Гоце Делчев.


Со положувањето цвеќе пред споменикот на Гоце Делчев, симболично оддадовме почит кон хероите на Организацијата која се борела за слободата на македонскиот народ.

Обединети за Македонија ќе продолжи да ги негува идеалите на ВМРО, за еднаков просперитет и еднакви можности на сите граѓани на Македонската држава, за која бореле и гинеле нашите предци.


23-ти Октомври, е денот кога во 1893 година, млади интелектуалци во Солун ја создадоа Организацијата, чија цел е борба против секаков вид ропство, која според нејзиниот Устав има за цел да ги обедини сите незадоволни елементи од Македонија и Одринско, без разлика на вера, националност и убедување.


Затоа, Обединети за Македонија, почитувајќи го Уставот на Организацијата, повикува на државен патриотизам, сите граѓани на Македонија да работиме за доброто на нашата држава, бидејќи сите сме чеда на Македонија.


Нека ни е честит и вековит празникот!

Не ја злоупотребувајте моменталната ситуација за ситни политички поени

Во овие моменти за добивање преговори со Европската Унија, Обединети за Македонија ги повикува сите политички партии и организации да не ја злоупотребуваат моменталната ситуација за политички поени.

Јасно е кажано од денешната прес-конференција на Советот на Европа дека Македонија ги исполни сите услови за почнување на преговорите со Европската Унија. Пречка се внатрешните несогласувања меѓу земјите-членки за кои сме сигурни дека во Мај наредната година ќе се надминат.

Влезот на Македонија во Унијата е за доброто на сите граѓани на македонската држава. Тоа е надпартиско и сите сме одговорни за иднината на оваа држава.

Затоа ги повикуваме сите партии: Ако сте искрени и се борите за подобра иднина на македонската држава, не ја злоупотребувајте моменталната ситуација за ситни политички поени.

Вистинскиот патриотизам се гледа на дело. За резултатот во иднина одговорни сме сите. Затоа, сите заедно и сложно да работиме за подобра иднина на нашата татковина.

Обединувањето на десницата не почнува од белата палата

Почитувани членови и симпатизери на ОМ, почитувани граѓани на Македонија.

Би излегле на прес-конференција, но за неважни работи и луѓе кои работат за нечии интереси, како про-западна и модерна десна партија заклучивме дека нема потреба да трошиме енергија и време.

Истите членови кои „преминуваат“ се тргнати и исклучени од партијата уште пред неколку месеци поради нивните неусогласени ставови со Претседателството на партијата.

Обединети за Македонија како и секоја сериозна партија има општински организации и раководство кои одлучуваат за натамошниот тек на партијата, затоа сите изјави од таканаречени членови е невалидна.

Дали некои имаат цел да ја спинуваат ослободителната пресуда на нашиот Претседател, Љубе Бошкоски за случајот „Ровер“, со што се докажа како поранешната Влада се пресметувала со политичките противници?

Како овој, но и другите случаи се само производ на едно тоталитарно размислување на остатоци од комунистичкиот про-југословенски режим, чиишто луѓе ја опседнаа партијата ВМРО-ДПМНЕ.

Затоа прашуваме: ОД ШТО СЕ ПЛАШИТЕ?

Обединувањето на десницата не почнува од белата палата. Обединети за Македонија останува верна на идеалите на ВМРО и нејзините членови се тука за поддршка, тоа може да се забележи од таканаречените членови кои беа дури двајца на вчерашната прес-конференција.

Ви го честитаме големиот празник – Рождество на Пресвета Богородица

Рождество на Пресвета Богородица или Мала Богородица е еден од 12 големи празници во православието кој го слави раѓањето на Богородица.

Нека милоста на Божјата Мајка биде со сите нас и не чува од секакво зло.

Го честитаме овој голем празник на сите христијански верници, со желби за пријатен празничен ден, здравје, мир и благосостојба во секој дом.

Сите да се обединиме под македонското знаме! Честит 8-ми Септември!

Обединети за Македонија на сите граѓани на Македонија им го честита 8-ми септември- денот на независноста.

Нешто за кое треба да се гордее целиот македонски народ, без разлика на вера, националост, пол и убедување е дека Македонија на мирен начин се оттргна од тогашната сфера на србо-комунизам, диктирана од режимот на Белград.

Република Северна Македонија полека, но сигурно расчистува со југословенското минато. Затоа, време е да се обединиме сите луѓе, без разлика на националост под македонското знаме, бидејќи сите сме македонски народ, деца на Македонија.

Нека политиката биде демократска борба, со конструктивни идеи, државен патриотизам, а не манипулација врз база на етнички национализам.

Така заеднички, да ја градиме нашата, македонска држава.

Нека ни е честита слободата!