Author: ОМ ЦЕНТАР ЗА КОМУНИКАЦИЈА

ОМ се приклучи на Коалицијата „Можеме“: Татковината ни е натпартиска идеологија!

Оценувајќи дека не е време за идеолошки натпревар и поделби на проевропските сили во земјава, а согледувајќи ја опасноста од обнова на режимот и повторно назадување на нашата Македонија, решивме да пристапиме кон Коалицијата „Можеме“.

Тоа го направивме од повеќе причини, а како суштествени ги сметаме:

 

  1. Како ВМРО за Македонија, ќе се бориме да создадеме реални услови за идеолошки натпревар, внатре – од Собранието. Мораме во нашата држава да создадеме демократски услови, за да создадеме предуслови за фер борба на идеи меѓу левицата, центарот и десницата.
  2. Одлучивме да ги оставиме настрана идеолошките разлики, да дејствуваме како патриоти кои навистиа ја сакаат својата татковина. Обновата на режимот и повторното заробување на државата не се во нашата партиска агенда.
  3. Доследно остануваме на определбите за завршување на започнатите реформски процеси во судството.
  4. Сметаме дека обезбедувањето на сите потребни предуслови за преговори на РС Македонија во ЕУ – е и останува надпарстиска цел.

Поради сето ова, решивме да ги тргнеме настрана идеолошките разлики и да се обединиме под македонското знаме!

Обединети за Македонија е со став дека обединувањето е решение – се додека не профункционира системот и не се создадат услови за демократизација на општеството!

#Можеме
#ВМРОвоСобрание

 

Носиме мартинки – си ја пазиме традицијата

Традиционализам е почитување на обичаите на нашиот народ. Март е месец кога во нашата земја се носат мартинки.

Носењето мартинки во нашите краишта е спомнато дури и во Зборникот на Браќата Миладинови. Мартинките се носат до појавата на првото процветано дрво или на првиот виден штрк, но и до здогледување на првата ластовица.

Тажен е фактот што мартинките се помалку и помалку се носат низ младите, а можат да бидат најголем симбол на внимание и љубов, подарени на луѓето кои ни значат.

Охрабруваме да ја заживееме традицијата со носење мартинки, бидејќи со години се носи на овие простори. Подарете мартинка – со тоа ќе подарете внимание и љубов.

Делегација на ОМ положи цвеќе на гробот на Гоце Делчев, по повод 148 години од неговото раѓање

Делегација на Обединети за Македонија, предводена од Претседателот Љубе Бошкоски, по повод 148 години од раѓањето на револуционерот Гоце Делчев, положи свежо цвеќе на неговото вечно почивалиште.

По церемонијата, имавме средби со граѓаните низ Старата Скопска Чаршија.

Гоце Делчев е визионер, патриот и човек кој го подарил најсветото нешто за слободата на народот на Македонија и Одринско – животот.

Изградена врз темелите на неговите идеали – нашата држава треба да ги следи неговите чекори.

Секоја политичка опција има различни идеи и погледи за подобро утре. Но, не` обединува љубовта кон нашата Македонија.

Со влегувањето во НАТО и одење напред кон членство во ЕУ, сме чекор поблизу до исполнувањето на вековниот сон на Гоце Делчев, но и целиот македонски народ, без разлика на вера, националност, пол и убедување: слобода, безбедност, стабилност и подобро утре.

Со почит кон минатото и со поглед кон иднината, да обезбедиме сигурна иднина за нашите поколенија.

Слава му!

 

Даниел Пауновски: Треба да се случат драстични промени во нашето образование

пишува: Даниел Пауновски, член на Претседателство на политичка партија Обединети за Македонија

Премногу внимание и време како општество одвојуваме на не толку важни работи, работи кои 30 години тапкаат во место и не носат промени. За да промениме нешто треба да почнеме од коренот. Каде грешиме?

Училиштето, односно образованието, стана ради-реда традиција кај нас, а не алатка за едуцирање и учење за која е и неговата намена.

Училиштето треба да не подготви како во денешниот свет, светот се менува секојдневно а образовниот систем не се менува. Кога образовниот систем не се менува тогаш не може да очекуваме дека утре и ќе ни помогне во животот. Образованието кај нас одамна не е веќе предизвик, го имаш исто како и возачка што имаш, образованието не е веќе репер за успешност како порано. Никој со образование кај нас пари не направил, а и немаме некој јаки примери овој успеа во животот зашто многу учеше.

Но сепак училиштето и образованието се и те како потребни. Читање, пишување, собирање – математика…Денес тука сите застануваат, чим научаат да читаат, пишуваат и бројат образовани се.

Кога времињата се менуваат и потребите и навиките се менуваат, што значи треба и начинот на образование да се промени.

Треба да има настава за дрога, настава за сексуално образование – час за сексулано образование, не само слики и дијафрагми од од нелогични поими, настава за религијата и нејзините разлики, настава за полициска бруталност, настава за правата на секој човек, настава за мултикултурализам. Образованието се стекнува во училиште а не на улица, 90% од младите денес на улица и интернет се образуваат.

Мислам дека драстчни промени треба во нашето образование да се случат, драстични промени во општеството од страна на луѓето, а човек се учи уште кога е дете. Треба во средните училишта некој предмети сами да ги бираат учениците као на факултет, да посетуваат настава која ги привлекува, која ќе ги задржи во клупата а не на улицата, мислам дека средното образование треба да функционира на тој начин.

Нашево образование не е уопште различно од она во градника – предшколска возраст, денес образванието ни се сведува на градинка систем, училиштата се места каде што децата седат додека родителите им се на работа и учат да живеат као да е надвор 20ти век а не 21век.

Образвоанието мора да се промени и прошири, инаку ќе остане една убава бајка за простите, а криминалот алатка за успех и достоинство.

На покана на УЕФМ, бевме гости на „Европска вечер“

На покана на Унија на Европски Федералисти на Македонија, преку промоција на програмата Македонски Концепт, бевме гости на „Европска вечер“, каде се разговараше на темата “Како Европа да ја донесеме во Македонија”.

Европската вечер ја отвори Претседателот на Унијата на Европски федералисти на Европа, господин Сандро Гози, европски пратеник од листата на “Ренесанса”, политичката групација на претседателот на француската Република, господин Емануел Макрон.

Се донесе Закон за младинско учество и младински политики

Задоволство ни е да Ве известиме дека младите во државата конечно добија
Закон за младинско учество и младински политики.

Среќни сме што со законот се зајакнува учеството на младите во процесите на
креирање на политики, поттикнување на волонтерство, младинскиот активизам и
младинската работа, како и личен, професионален и социјален развој кај
младите.

Линк до законот:

http://obedinetizamakedonija.com/wp-content/uploads/2020/01/dopolnet_predlog_za_mladinsko_uchestvo_i_mladinski_politiki.pdf

ОМ за референдумот во Општина Дојран

Обединети за Македонија за референдумот во Општина Дојран

Обединети за Македонија ги поддржува заложбите на Општината Дојран преку референдум на 02.02.2020 да побара поддршка од граѓаните за реализација на еден од најзначајните проекти – сеопфатно решавање на проблемите на водоснабдувањето и на отпадните води преку јавно-приватно партнерство.

Договорот за концесија со јавно приватното партнерство подразбира три децении стопанисување и одржување на постојната мрежа за водоснабдување, на канализациона мрежа и на пречистителната станица, како и инвестирање во комплетно нова мрежа и надградбата на пречистителната станица, што се планира да се финансира дизајнира, проектира, реконструира, реновира, изгради, користи, управува и одржува. Вредноста на проектот е проценета на над осум милиони евра што е рамно на 16 годишни општински буџети.

Одлуката на Општината – на референдум да се побара мислење и согласност за овој круцијален проект, јасно ги покажува заложбата за вклучување на граѓаните во донесувањето на одлуките кои ќе имаат силно влијание врз квалитетот на животот и нивната иднината.

Едновремено – тоа значи и одговорност за граѓаните – дали и како ќе се изјаснат за можноста за решавањето на проблемите на водоснабдувањето, канализацијата и на пречистителната станица и создавање услови за одржлив развој, раст на туризмот и заштита на Дојранското езеро.

За Обединети за Македонија одржливиот развој, создавањето предуслови за забрзан раст на туризмот и заштитата на околината немаат алтернатива – биле, се и остануваат основни заложби. Пред нив би требало да запираат и партиските препукувања и пресметки.

Обединети за Македонија смета дека развојните проекти не се и не треба да се заложници и дека Општината ја заслужува поддршката на граѓаните. Секако,сето би требала да биде проследена и со поголема вклученост и ангажман на граѓаните, во следењето на сите наредни чекори од процесот на јавно-приватното партнерство – на крајот – се работи за нивното подобро утре.

Видео обраќање на Претседателот Љубе Бошкоски за панел-дискусијата „Жртви на режимот“


Режимот ја зароби и ја злоупотреби државата, а особено полицијата, судството и медиумите. Секој обид да се изрази поинакво мислење, го санкционираше со апсења, тортура, монтирани судски процеси и линч во медиумите и на социјалните мрежи.

Јас сум бил мета на речиси сите режими. Од екс-Југославија, па натаму. Јас и моето семејство поминавме низ пекол. Јас знам како е чувството да си осуден за правдина. Сакам да се најде правдина и за внукот на Ченто. Ниту една власт немала милост за оваа фамилија.

Но јас, мојата правда ја докажав, иако уште ме прозиваат измислени величини, слушнавме пред некој ден и лажни бранители од татковинската војна во 2001 година.

Затоа верувам дека правдата пак ќе победи и во случајот на младиот Ченто кој треба да излезе од затвор, а на негово место да дојде креаторот на овој криминал, хаос и жив песок во кој мака мачиме и после две и пол години од слобода да се извлечеме. Ќе дојде на местото на Ченто, оној кој го заслужува неговото место, затоа што го изманипулира.

Мој совет до сите вас, кои сеуште мислите и верувате во Груевизмот, во Груевски, тој никогаш не бил патриот. Никогаш не верувал во Македонија

На едни парламентарни избори, многу убаво кажав дека со Македонија владее „банда криминална“. Тоа се криминалци, на кои ич не им е гајле за судбината на својот народ, на своите луѓе, кои денес ги оставија, како што вели нашиот народ на цедило.

Тие што веруваат уште во Груевизмот, но и во неговите следбеници, да им порачам дека се тие лажни патриоти и дека верувањето во Груевизмот е верување во нешто што е надвор од вредностите на ВМРО.

Тој човек си го замени белиот дворец во Скопје, со друг дворец во Будимпешта, но задржувајќи ги букурешките манири, се обедува да командува, мислејќи се како голем лидер. Да, тој е лидер, но е лидер за креирање на хаос, криминал и предавство кон својата татковина.

За најболната тема во општеството, за судството, треба да разговараме надолго и нашироко, за реформите кои не можат да се направат набрзина. Но факт е, дека се поместија работите од мртвата точка, од овој жив песок во кој ја остави режимот – Македонија.

Кога јас велев дека „банда криминална“ владее со државата, тогаш во македонските медиуми, а и мои пријатели ми рекоа дека сум престрог и сум претерал во квалификациите.

Но денес, по скоро една деценија, заклучувам дека сум бил и премногу благ кога била таа „банда криминална“ во прашање. Јас едноставно не сум бил миленик на власта.

Можеби бидејќи како човек не прифаќам лажни вредности, лажни величини и лажни раскази за едно време во кое живееме.

Дури и сега, излезе дека и јас навистина сум му опсесија на некрунисаниот принц од дворот од Будимпешта.

Една изборна единица за единство

На 25.12.2019, бевме дел од јавната расправа по Предлог законот за изменување на Изборниот законик и Предлог законот за изменување и дополнување на Изборниот законик.

Обединети за Македонија се залага за една изборна единица, а на локални избори да се оди со отворени листи, бидејќи со една изборна единица се демократизира македонската држава, што ќе доведе до поголема разноликост на ставови во Собранието, како и придружување до партиските програми на политичките партии.

Во врска со етничката застапеност, на став сме дека интеретнички поделени губиме сите. Водени од уставот на историското ВМРО, сите сме граѓани на Македонија без разлика на вера, националност и пол.

Затоа се држиме до ставот дека пратениците треба да се изберат врз база на квалитет и политичка програма, што ќе доведе до чувство на припадност кон државата без етничка сегрегација и етнички национализам.

Од друга страна, тоа ќе ги стимулира сите партии што сакаат да добијат повеќе гласови, да кандидираат луѓе од сите региони и позадини, но пред се, врз база на квалитет.

Со тоа ќе го докажеме нашето единство и мултикултурното општество, но и чувството на припадност кон државата.

КОНФЕРЕНЦИЈА „Перспективите на македонските избори“

„Обединети за Македонија“ е за напуштање на моделот со шест изборни единици, затоа што со него гласовите не тежат подеднакво, рече партискиот претставник Ѓорѓи Станковски на конференцијата на ЦИВИЛ за изборни реформи „Перспективите на македонските избори“.

Во продолжение текстот од говорот:

Обединети за Македонија уште од своето основање од пред десет години, преку разни соопштенија и иницијативи, е за напуштање на изборниот модел со шест изборни единици и воведување на моделот Република Северна Македонија да биде една изборна единица што би дало реална слика на претставници на парламентот избрани по избор на народот.

Со досегашниот модел, гласовите не тежат еднакво и иако десетици илјади граѓани кои своето право на глас го искористиле на минатите изборни циклуси, сепак, на крај од избирачкиот ден тие паѓаат во вода.

Во изминатите изборни циклуси, се има случувано, партија со освоени 29 000 гласови да нема претставник во парламентот, а партија со освоени 28 000 гласови да има два пратеника.

Затоа, би сакал да претставам симулација на гласовите што ги добија политичките партии и коалиции кои учествуваа на последните парламентарни избори и тие се прикажат како гласови кога Македонија би била една изборна единица, во Собранието би ја имале приближно оваа распределба на мандати:

ДПМНЕ и други : 48
СДСМ и други : 47
ДУИ: 9
БЕСА: 6
Алијанса за Албанците : 3
ДПА : 3
ВМРО ЗА МАКЕДОНИЈА : 2
ЛЕВИЦА : 1
КПП : 1

Од ова, можеме да заклучиме дека гласачите треба да имаат поголемо влијание врз луѓето кои треба да ги претставуваат, независно од која партија/коалиција се избрани, затоа што, на крајот од избирачкиот ден, гледаме дека со овој изборен модел, секој глас не тежи еднакво.

Cо една изборна единица се создава поголема разноликост во парламентот секои наредни избори, што води до поголема демократизација на општеството.

Затоа, Обединети за Македонија е на мнение за промена на избирачкиот модел на една изборна единица, се со цел да се направи квалитетна селекција на народни претставници, но и најважното, секој еден глас да тежи исто, бидејќи сите сме еднакви граѓани на Македонија, без разлика на вера, националност, пол и убедување.